Was gits neus ?

Mir chömmet im Fernseh.

Am 16.März am 18:40 Uhr chömmet mit i de 200. Jubiläumssendig vo Potzmusig uf SRF 1. Mir sind gspannt wies tönt und was mir für e Falle machet. Wür eus freue wenn er au de TV würet istelle.

Eus hetts uf jede Fall Spass gmacht und es isch e cooli Erfahrig gsi zu dem gseh wie so e Sendig entstaht und was alles defür brucht.

Willkomme im neue Jahr 2024

Mir wünschet eu allne es guets neus Jahr 2024 mit viel Glück und Gsundheit. Mir haltet eu wie immer uf em laufende. Erschti Uftritt für das Jahr sind bereits ufgschaltet. Denn hemer au das Jahr sicher wieder die eint oder anderi Überaschoig für eu bereit. Mirt freuet eus uf jede Fall uf alles was chunnt.

Bis bald und startet guet is neue Jahr 2024.

Neue CD "Achterbahn" ab 7.Juli 2023 erhältlich !

Juhuii, ab dem 7.Juli ist unsere neu CD "Achterbahn" erhältlich. Es ist bereits möglich die neue CD in unserem Online-Shop auf unsere Website vorzubestellen. Die CD beinhaltet 17 neue Titel, darunter viele neue eigene Lieder mit lustigen und auch nachdenklichen Texten, urchige Ländlermusik, Schlager & Country und moderne Melodien und vieles mehr, was man nicht denken würde.

Ihr dürft also gespannt sein. Wir sind es natürlich auch. Die CD Taufe findet am

Samstag 8.Juli an der Chilbi in Schönenberg um 20.00 Uhr statt. Wir spielen aber bereits ab 18.00 Uhr. Ihr könnt also gerne auch schon früher euch in Richtung Schönenberg begeben. Weitere Informationen und natürlich erste Kostroben aus unseren neuen CD bekommt Ihr ebenfalls bald. Wir halten euch auf dem laufenden.

Eusi dritti CD chunnt im Summer 2023

Mir sind sehr fliessig und schaffet momentan a eusere 3.CD. Freuet eus das mer sicher aber langsam i die spannendi Schlussphase chömmet. Ihr dörfet ganz gspannt sii. Das Bild chönnti vilicht verrate wie eusi neui CD chönnti heisse. Aber wie gseit nur vliicht. MIr haltet eu uf em laufende und meldet eus scho bald mit spannende News, Föteli und wer weiss erschte Koschtprobe vo eusem dritte Album. Bis denn freuemer eus eu vilicht am einte oder andere Uftritt aztreffe chönne. Bis denn und gnüsset de Früehlig wo vo de Tür staht.

Neues Jahr neues Glück !

Uf dem Weg wünschet au mir eu allne es guets neus Jahr mit viel Glück, Gsundheit und allem was dezue ghört. Mir schaffet mit Hochdruck a eusere neue CD und wenn alles guet lauft, wird Sie denn im Summer 2023 usecho.

Mir haltet eu uf em laufende, die aktuelle Uftritt gfindet Ihr under de Site Agenda.
Mir freuet eus uf eu und es guets und spannends Jahr.

De Frühling macht alles neu....entli gats wieder los :)

So mir freuet eus uf en wunderschöne Früehlig und es schöns reschtlichs Jahr 2022 mit so wenig Corona wie nur möglich. Bald werdemer eu unter de Siite "Agenda" bald eusi neui aktuelle Uftritt ufschalte. Da sind die einte oder andere Date dezue cho. Mir freuet eus sehr druf. Denn hemer für eu denn au na die eint oder anderi Überaschig. Uf jede Falls simmer wieder top motiviert und freuet eus bald de eint oder anderi vo eu wieder z`gseh. Bis bald ! Raphi, Andi & Urs 

Und scho simmer im schöne Herbscht acho. Und Ihr wüsset daas waadaasheisst  cho gli chömmer wieder Schnee schufle. Und wagit schöners wenns dusse chalt isch zum sich ufwärme ? Genau en guete Kafi. Drum hemer zu dem Themma es neus Lied für eu gmacht. Es heisst "Kafi Schnaps Lied" und isch uf de CD "Urchigs Stubete Hits" druf. Und zwar als Nr.12 uf dere CD z`gfinde. Mir sind gspannt wie das Lied bi eu eso achunnt. Mir hoffet das au bald wieder au wieder chli meh bestätigiti Uftritt git, leider wird nach wie vor wegem Corona Virus abgseit. Aber mir blibet positiv und hoffet das mer bald wieder de eint oder ander Uftritt chönd bestätige. Bis denn wünschemer eu e gueti Zyt und blibet gsund.

Und scho stönd mer churz vor em Summerafang i dem chli komische Jahr. Au eus hett de Corona Virus de eint oder anderi Streich gschpillt und so hend au mir wievili anderi au sit em Februar kein Uftritt meh gha. Eze hoffemers bescht das sich das bald wieder chli besseret und mir scho gli wieder dörfet eu unterhalte. Mir weret nämlich parat und sind au nöd ganz untätig gsi sondern hend für eu es neus Lied ufgna. Es heisst "Kafi-Schnaps-Lied" und isch natürlich wieder am Raphi bim bade in Sinn cho. Uf jede Fall werdet Ihr das Lied scho bald ghöre. Mir sind gspannt wies au gfallt. Mir wünschet eu allne e gueti Zyt, hebet Sorg und bis bald mir haltet eu natürlich uf em laufende.

So de eint oder anderi Uftritt hemmer bereits hinder eus und näbet em Uftritt uf em Stoos woner na es Bild gsend uf de linke Siite, hemer au dörfe unter anderem a de Fasnacht i de Bennau und in Rapperswil debii sii. Eus hett`s sehr gfreut hemer dörfe eso is neue Jahr starte. Mir hends ez bis Mitti Mai au echli ruhiger und das hett au en guete Grund, bald erfahrtet Ihr natürlich meh. Hend da es chliners neus Projekt und für das müemer natürlich chli üebe. Freuet eus aber eze scho uf d`Uftritt am Einachserrenne und a de Chilbi in Schönenberg, denn dörfemer au das Jhar a de Pfingste uf Kriens is Natürfründehuus und sind denn au am Maisfädfäscht und am Tag der offenen Tür vom Gwerbe & Insdustrie z`Samstagere mit debii. Mir haltet eu natürlich uf em laufende und wünschet dene wo hend schöni Skiferie und de andere e gueti Zyt.

Und scho wieder isch es Jahr verbii. Und mir müend eus langsam dra gwöhne
2020 z`schribe. Wünschet eu drum allne e schöni Wiehnachtszyt, e schöni
Wiehnacht und eze scho en guete Start is neue Jahr 2020.

Freuet eus eze scho uf alli scho plante Uftritt im neue Jahr. Hett da also s`eint oder andere Highlight debii. Sind wieder a de Fasnacht in Rapperswil und i de Bennau. Dörfet uf em bekannte Stoos ob Schwyz spiele. Sind das Jahr a de Dofchilbi in Schöneberg und am Maisfeld Fest im Säuliamt. Ihr gsend mir hend au im neue Jahr öppis vor und würet eus natürlich freue wenn Ihr wieder am eint oder andere Uftritt debii sind. Will ohni eu isch es nur halb so schön zum Musig mache. Wunderschöni Wiehnacht und namal en guete Rutsch is neue Jahr 2020.
Hebet e gueti Zyt und bis hoffentlich bald. 

Das wünschet eu, eueri Musig  " Raphael Fuchs & Co "   namentlich "Raphi"     "Andi"     "Urs"

Für alli wo sich uf de Früehlig freuet ? Mer hends glaub überstande. Bald chömer eus wieder a lange Äbig am schöne Wetter freue. Und mir hend d`Möglichkeit eusi Musigprob uf verusse z`verlegä.

Freuet eus uf spannendi Uftritt under anderem in Linthal als Vorgruppe vo Shakra. De findet denn am Samschtig 27.April 2019 statt. A de Pfingste dörfemer denn mal ame Ländlerabig bim Pilatus go Musig mache und scho bald simmer a de Dorfchilbi in Schöneberg und am Jubiläum vom Turnverein Hellikon im Aargau im Isatz. Mir freuet eus und hoffet das mer au das Jahr wieder de eint oder anderi vo eu a eusne Uftritt cha gseh. 

Für alli wo euses Lied "Am Morge am 2" nonig ghört oder uf em Video gseh hend.

Holet doch das na i dem er uf folgende Link klicket. https://www.youtube.com/watch?v=QmYtmmGHnk4

Wünschet eu en schöne Früehlig, e gueti Zyt und natürlich hoffentlich bis bald. Liebi Grüess

So mer chas fascht nöd glaube, aber es isch tatsächlich wieder e sowiit. Wiehnacht staht vor de Tür und au s`Jahr 2018 gat langsam aber sicher gege`s Endi zue. Mir blicket uf es Super-Musigjahr zrugg womer mit eusere neue CD "querbeet" hoffentlich am einte oder andere echli Freud hend chönne mache.

Ab sofort gits es Video vo euses Lied "Am Morge am 2" wonder under folgendem Link gern dörfet go aluegä.  https://www.youtube.com/watch?v=QmYtmmGHnk4

Freuet eus na uf euse letschti Uftritt i dem Jahr am Wiehnachtsmärt in Schöneberg und freuet eus eze scho uf alli Uftritt wo im neue Jahr bereits scho uf eus wartet.

A dere Stell a allne es riese grosses Dankeschön für alles woner dezue bi träget, das mer immer wieder dörfet Musig mache. Öppis won eus so vil Freud macht.
Mir gsend eus im neue Jahr 2019 allerschpötischtens wieder.

Bis denn eu allne wunderschöni Wiehnachte mit vilne idrückliche und luschtige Moment und denn geges Jahresendi en guete Start is neue Jahr 2019. Fanget guet a und stosses nöd zvil a :) Bis bald, machets guet.

Das wünschet eu, eueri Musig  " Raphael Fuchs & Co "   namentlich "Raphi"     "Andi"     "Urs"

Juhuii sie isch endlich da...eusi neui CD "querbeet". Zerscht e mal vile Dank allne wo die CD ermöglichet hend und wo a de CD-Taufi vom letschte Samschtig debii gsi sind und eus eso fescht unterstütz hend. Viele viele Dank !

Ab sofort chan eusi neui CD bschtellt werde und natürlich chönd Ihr uf folgendem Link scho mal chli drilosä.

https://www.youtube.com/watch?v=BgcECLQcKaU

Ez hoffemer natürlich das eu allne die CD gfallt und hoffet das die ez ufe und abelauft, bi eu im Auto, Dehei, im Stall oder im Schlafzimmer. Chunnt eigentlich gar nöd drufa wo sie lauft, hautpsach Ihr loset Sie vom Morge früeh bis am Abig schpaat. I dem Sinn wünschemer eu e gueti Zyt und bis hoffentlich scho ganz bald wieder irgendwo und namal Danke vilmal für d`Unterstützig.

Ihr hend richtig gseh...so wird Sie usgseh eusi neui CD "querbeet" .

Erhältlich wird Sie ab em Samschtig 7.Juli 2018. Will mer Sie au a dem Tag taufet. Das machet mer a de "Schönenberger-Chilbi" uf em Dorfhuusplatz im Festzelt in Schönenberg. Würd eus natürlich freue wemer de eint oder anderi würdet gseh und Ihr au a euser CD-Taufe debii wäret.

Eusi CD "querbeet" isch wie de Name scho seit, e abwechsligsrichi CD worde mit verschiedene Stilrichtige quer dur alles durä. Drum "querbeet"

Näbet em neue Lied "Am Morge am 2" de Fortsetzig vo eusem "Fäscht-Lied" womer immer "Eis hämmer immer na gno" gsunge hend, singemer etze" Am Morge am 2, han i eich welle Hei".Natürlich hemer na meh Lieder uf de CD und so ghört mer i de Medley uf eimal Lieder us de 70 & 80 er Jahre oder im "Oberkrainer-Medley" Musik us Österreich. Zudem Hemers nöd unterlaa, au chli um d`Wält z`gha mit de Musig. So ghört mer im Medley "querbeet" Musig us aller Welt und im Titel "Piraten oho" öppis womer au nöd Alltag ghört. Natürlich dörf au urchigi Ländlermusik nöd fähle. Zu derä simmer vom "Nötzli mit dä Chlötzli" a de Chlefeli und em "Urs Moser" wo bödelät na chräftig unterstützt worde. Das em mal en chline Usschnitt und e Vorschau vo eusne neue Titel. Selbstverständlich wärdet er bald die eint oder ander Kostprob devo übercho. Mir freuet eus die CD chönne vorzstellä und hettet natürlich Freud, wemer am eint oder andere au e "CD" dörfet schicke, das wird denn natürlich under anderem au wieder über die Sitä möglich sii. Uf jede Fäll wünschemer eu scho mal e gueti Zyt und natürlich nur s`bescht und bis hoffentlich ganz bald.

So entli meldet mir eus wieder mal und das mit ganz guete Neuigkeite. Mir nämet zur Zyt gat eusi zweiti CD uf. Und sind scho sit längerem flissig am ufnä im Tonstudio.

Wie CD heisse wird, wenn Sie usechunnt und wenn d` CD-Taufe isch erfahret Ihr natürlich bald uf derä Site. Mir haltet eu natürlich uf em laufendä. Freuet eus eu bald eusi zweiti CD chönne z`präsentierä und chönd eu scho mal versprechä das ihr sehr gspannt druf dörfet sii. Uf vili neui Sache und Idee womer zur Zyt im Studio am verwürklichä sind. Zum eu allne en chline Iblick i das ganze z`ghä, gfindet Ihr s`eint oder ander Bild zum aluegä.

Bis bald und wie gseit, bald erfahret er meh über euses neue grosse Projekt "CD 2".

Wie warschindlich au bemerkt hend, isch es dusse nöd nur chelter sondern au so richtig wiis worde. Es gat also nüme lang bis Wienacht isch. A dere Stelle wettemer eus ganz herzlich bi eu allne für d`Unterstützig im vergangene Jahr bedanke. Schön das mir au das Jahr hend wieder chönne uf eu zelle. Mir freuet eus jetzt scho uf die nächste Uftritt im neue Jahr. Bevors aber sowiit isch simmer na in Hütte a de Autocrossbar und z`Schöneberg am Wiehanchtsmärt. Vilicht gsemer de eint oder ander na im alte Jahr und suscht freuemer eus jetzt scho das mer dich im neue Jahr wieder gsend. Uf jede Fall allne e schöni Wiehnacht un den guete Start is neue Jahr 2018. Bis denn, machet kei Seich und blibet aständig :) 

Scho gmerkt ? Am Morge langets nüme wemer ohni Jacke zum Huus us gat. Genau, mir sind inzwüsche scho wieder im Herbscht acho. Wo eus de eint oder anderi schöni Uftritt erwartet. Als erschts schpilemer am Fritig 6.Oktober a de Vehustellig im Hirzel. Und mir hend Glück mir dörfet d`Lüüt dete im gheizte Festzelt unterhalte. Im November gats wiiter mit Uftritt am Fondue Abig in Wädenswil i de Freizytalag und amene Uftritt am Cheese Festival in Rapperswil. Ebenfalls dörfemer au das Jahr am Turner-Chränzli in Samstagere und am Wiehnachtsmärt in Schöneberg debii sii. Ihr gsend eus erwartet na s`eint oder anderi das Jahr. Nebet bii simmer sehr vil am üebe und werdet eu bald mit Neuigkeite überasche dörfe. Selbstverständlich erfahret Ihr die uf eusere Internetsite. Jetzt wünschemer en schöne goldene Herbscht wiemer so schön seit und hoffet das mer de eint oder anderi a eine vo eusne nächste Uftritt dörfet bergrüesse. Bis bald.

Und scho simmer wieder im neue Jahr acho und lönd scho langsam de Winter hinder eus. MIt Betonig uf "langsam" das ja na nöd sälte amig namal abegschneit hett. Mir hend scho die erschte Uftritt vo dem Jahr hinder eus. Und freuet eus uf wiiteri Uftritt zum Bischpil am Ländlerabig im Restaurant Bahnhof in Steckborn oder am Regional-Turnfest wo das Jahr in Schöneberg statt findet. E Wuche druf dörfemer am Jubiläums-Ländlersunntig im Restaurant Johaniter im Niederdorf in Zürich uftrete. Freuet eus uf jede Fall uf alli wiitere Uftritt und hend au musikalisch die eint oder ander Überaschig für eu, hend d`Zyt dur de Winter chli gnutzt zum s`eint oder ander neu izstudiere. Suscht wer`s eus ja langwilig worde. Wür eus freue de eint oder ander a eine vo eusnä nächste Uftritt chönne z`begrüesse und wünschet eus bis denn en guete Start in "Früehlig". 

Und au das Jahr 2016 gat aber so langsam aber sicher gege s`Endi zue. Drum wettemer eu allne jetzt scho e schöni Wiehnacht und en guete Start is neue Jahr 2017 wünsche. Denn wemer s`au nöd unterlaa eu allne danke z`säge. Seget das Veranstalter, Verein, Zuehöhrer und all wo eus au das Jahr unterstützt hend und Freud hend a dem wo mir machet. Freuet eus jetzt scho ufs neue Jahr und alli Uftritt womer dörfet ha. Bis denn eu allne e gueti Zyt und mir hoffet mir gsend eu scho bald wieder e mal :)

Und scho simmer im Herbscht a cho. Merkemer vorallem da dra, das mer scho ame Oktoberfäscht und anere Vehustellig hend chönne schpiele. Etze fanget defür wieder d`Chränzli und sch gli d`Fasnacht wieder a. Freuet eus das mer a de Chesslätä z`Morschach und am Turnerchränzli in Samstagere dörfet go schpiele bevor denn im Dezember de Wiehnachtsmärt vor de Tür staht.Mir freuet eus uf die nächschte Uftritt und hoffet das mer de eini oder anderi vo eu atreffe chönd. Wünschet e gueti Zyt und hoffe mer chönd na paar schöni Herbschttäg mit vil Sunne gnüsse.

So mir sind zmitzt im Summer a cho, au wenn`s mängisch nach em vilne Räge, nöd eso usgset :) Uf jede Fall hemer grad de Uftritt vom Sängerfest im Hirzel hinder eus. Am 1.August startemer denn mit wiitere Uftritt. Am Morge simmer am Brunch in Lufingen bi Klote und am Namittag a de 1.August-Feier i de Frohmatt in Wädenswil. E Wuche druf am Samschtig 6.August dörfemer am "Chäfer-Fäscht" in Rain im Kanton Luzern go Musig mache. Dete schpilemer ab em 9ni i de Kafistube. Zwei Wuche schpöter am Samschtig 20.August schpilemer denn am Summerfest im Dukes in Sihlbrugg, bevor wieder e Wuche schpöter am Sunntig 25.August de Uftritt a de Chilbi in Oberrieden uf em Programm staht. Im September chönder eus denn am "Dorf-Fäscht" in Horge und am "Oktoberfest" in Wädenswil ghöre. Die gnaue Date zu allne Uftritt gfindet ihr wie immer uf Agena. Mir haltet eu uf em laufende und wünschet allne en schöne Summer :)

Und scho simmer wieder im Herbscht glandet und gönd scho wieder gege s`Endi vom Jahr 2015 zue. Bevor das aber scho wieder de Vergangeheit aghört, simmer namal a de verschiedenschte Ort am Musig mache. De Afang macht am Samschtig 17.Oktober de Herbstmärt in Freiebach. Det schpilememer am Abig im Festzelt. E Wuche druf am 24.Oktober simmer denn a de Metzgete in Wädenswil. Au im November simmer unterwegs. Am 7.November in Fischenthal am Ländlerabig. Und am Wuchenend vom 19. - 21. November schpilemer zerscht am Dunnschtig im Dukes in Sihlbrugg, am Fritig am Turner-Chränzli in Samstagere und am Samschtig a de Chesslätä in Morschach. Im Dezember chönder eus na am Wiehnachtsmärt in Schöneberg und am Früehschoppe i de Risa Bar in Richterswil ghöre. Wiiteri Informatione z all dene Uftritt gfindet Ihr wie immer under de Site Agenda uf eusere Website. Wünschet eu allne e gueti Zyt und en schöne Herbscht und hoffet eu mal a eim vo eusne nächste Uftritt chönne z`begrüsse. Bis i dem Fall hoffentlich bald !

So bevor de Summer langsam wieder am Endi zue gat, dörfemer na a de eint oder andere Chilbi go Musig mache. De Afang macht d`Chilbi in Samstagere am kommende Samschtig em 15.August dete schpilemer ab 21:00 i de Kafistube vom Männerchor Frohsinn. E Wuche druf am Sunntig em 23.August simmer in Wädenswil bi de Trubadix im Festzelt am spiele. Dete fangemer denn am 11:00 a. Um die glichi Zyt schpilemer denn am Sunntig 6.September im Skiclub-Zelt a de Chilbi in Oberrieden. Freuet eus uf eusi Chilbi Uftritt und würet eus freue wemer de eint oder ander vo eu würet gseh.

So das wer`s für de Moment. Wünschet eu na en schöne reschte vom Summer und hoffentlich bis bald wieder e mal !

Unglaublich aber scho wieder gat es Jahr das mal s` 2014 gege s`Endi zue. Mir bedanket eus darum bi allne wo eus au i dem Jahr unterstützt hend.

Mir freuet eus uf`s neue Jahr 2015 wo mir hend scho die verschiedenschte Termine hend chönne abmache. Die gfindet Ihr wie immer under de Site Agenda. Bevor aber das Jahr aber wieder de Vergangeheit aghört, schpilemer am Fritig 26.Dezember ab 21:00 Uhr na a de Autocrossbar in Hütten. Vilicht gsemer ja na de eint oder ander.

Mir haltet eu uf jede Fall uf em laufende und wünschet eu jetzt zerscht mal allne ganz schöni "Wiehnacht" und jetzt en guete Start is neue Jahr "2015" !